دینسل اینانج هر خالقئن دوشمنی دیر؛
قادئن آدلانان ایرقین دوشمنی دیر؛
یازقی یازدئران حاققئن دوشمنی دیر؛
لعنت اولسون دینسل اعتیقادلارا؛
ایستیقلال حاققئ وئرمز آرواتلارا.

سانما جلاد كوروش دا عادیل فارس دیر؛
آنام تومروس اونون باشئنئ كسدی؛
ددی باش كسنلره بو بیر درس دی؛
لعنت اولسون خسته اعتیقادلارا؛
بابكی دوغراتدئران جلادلارا.

عرب دینی ایله چاغ كوسولودور؛
دین دره بیین یاشام اوصولودور؛
دردلریمیز ایسلامئن محصولودور؛
لعنت اولسون دینسل اعتیقادلارا؛
مانع تؤره در ایستعدادلارا.

دینسل اعتیقادلارئن خیری ندیر؟
چاغ دئشئ  ساوادلارئن خیری ندیر؟
گئریچی متدلارئن خیری ندیر؟
لعنت اولسون خسته اعتیقادلارا؛
محتاج ائدر اوره تیجی یادلارا.

دینی آنایاسایا قاضئ سئچمه؛
فئودال اؤلچوسویله اؤلچوب بیچمه؛
یوخسا دئموكرات توركلره آند ایچمه؛
لعنت اولسون خسته اعتقادلارا؛
قویماز سون وئره كهنه (اسكی) تضادلارا(چلیشكیلره).

هر صینفین اؤز پارتئسئ اولمالئدئر؛
دئپوتات سئچمه حاققئ آلمالئدئر؛
ساییسئنا گؤره یر بولمالئدئر؛
لعنت اولسون خسته اعتقادلارا؛
قاضئ لیق حاققی وئرمز آروادلارا.

سنده آراز تكین اؤیرت تنقید ائت؛
تنقید ائده بیلمزسن یولونو گئت؛
آوروپا تكین مرادئنا یئت؛
لعنت اولسون دینسل اعتقادلارا؛
نیفرت یارادار چاغداش ساوادلارا.

گؤنده ر     بؤلوم لر: سؤزجوك